Noticias

Os seres humanos producimos 8.300 millóns de toneladas métricas de plástico desde 1950. Só o 9% dos residuos plásticos se reciclan e a gran maioría termina en entulleiras e no medio ambiente, onde se  disgrega en micropartículas que contaminan as augas e o aire, danan a fauna mariña e, en última instancia, son inxeridas polos seres humanos.

Os Días internacionais celébranse para alertar sobre temas e cuestións de interese, tales como os dereitos humanos, o desenvolvemento sostible ou a saúde, e pretenden chamar a atención da opinión pública de que existe un problema sen resolver. O obxectivo final é que os gobernos tomen medidas e que a cidadanía coñeza unha problemática concreta e esixa aos seus responsables políticos que actúen.  O 3 de xullo de cada ano celébrase o Día Internacional Libre de Bolsas de Plástico, un día que hai anos podería desaparecer do calendario.