As sesións xa foron impartidas aos alumnos dos colexios de San Tomé, Castrelo e Corvillón. Alí, os alumnos de quinto e sexto de Primaria recibiron información para que sexan conscientes da importancia do tratamento dos residuos e de como se vai a mellorar neste aspecto na súa localidade.

Os escolares cambadeses coñeceron, por exemplo, a regra das tres  R (reduce, reutiliza, recicla) e tamén os contidos dos proxectos Cambados  limpo e  Biorresiduos de Cambados, que puxeron en marcha as concellerías de Obras e Servizos e de Medio Ambiente. 

«Con esta campaña, a través da difusión activa dos máis pequenos queremos trasladar a toda a  poboación cambadesa a necesidade de reducir, reutilizar e reciclar os recursos, potenciar o uso dos puntos limpos establecidos, tanto móbiles como  fixos, ou proceso de  compostaxe e as campañas de fidelización e premios locais polas  accións medioambientalmente comprometidas e positivas», indica o concelleiro de Servizos Samuel Lago (PSOE).

Imaxe por CDC en Unsplash.