O incalculable valor da vida silvestre - Día Mundial da Vida Silvestre

Os animais salvaxes e as plantas silvestres, ademais do seu valor intrínseco, contribúen aos aspectos ecolóxicos, xenéticos, sociais, económicos, científicos, educativos, culturais, recreativos e estéticos do benestar humano e o desenvolvemento sostible.

9867c788e8f5038b6756ec6b716832247c3a7d80
O Día Mundial da Vida Silvestre bríndanos a ocasión de celebrar a beleza e a variedade da flora e a fauna salvaxes, así como de crear conciencia acerca da multitude de beneficios que a conservación destas formas de vida ten para a humanidade. 

A celebración deste día tamén nos lembra a necesidade urxente de combater os delitos contra o medio ambiente e a diminución de especies causada pola actividade humana, que carrexan consecuencias negativas de gran alcance no ámbito económico, ambiental e social. Este é o motivo polo cal o Obxectivo de Desenvolvemento Sostible (ODS) número 15 céntrase en deter a perda de biodiversidade.

"Os bosques e os medios de subsistencia: sustentar ás persoas e preservar o planeta"

Os bosques e os terreos  boscosos, que abarcan case unha terceira parte da superficie terrestre do planeta, son piares fundamentais para os medios de subsistencia e o benestar dos seres humanos.

Máis de 800 millóns de persoas viven en bosques tropicais e sabanas en países en desenvolvemento. As comunidades indíxenas e rurais manteñen unha relación particularmente estreita con eses sistemas naturais. Dependen deles para satisfacer as súas necesidades esenciais, desde alimentos e refuxio ata enerxía e medicamentos, pero tamén manteñen unha forte relación persoal, cultural e espiritual con esas contornas. Os pobos indíxenas e as comunidades locais son así mesmo os custodios históricos das reservas máis importantes de diversidade biolóxica, incluídos os bosques.

Os servizos do ecosistema e os recursos que proporcionan os bosques e os terreos  boscosos, desde o filtrado e o almacenamento de auga doce para garantir a fertilidade dos chans ou para regular o clima, son esenciais para a economía mundial e para as persoas en todo o mundo. Con todo, os bosques atópanse actualmente na encrucillada das múltiples crises planetarias que encaramos actualmente, desde o cambio climático ata a perda de biodiversidade e as repercusións sociais e económicas da actual pandemia mundial.

Este día trata de lanzar luz sobre os vínculos entre o estado dos bosques e terreos  boscosos do noso planeta e a preservación dos millóns de medios de subsistencia que dependen directamente deles, prestando particular atención aos coñecementos tradicionais das comunidades que xestionaron os ecosistemas forestais e a súa vida silvestre durante séculos.

Isto axústase aos Obxectivos de Desenvolvemento Sostible das Nacións Unidas 1, 12, 13 e 15, e aos seus amplos compromisos de aliviar a pobreza, asegurar o uso sostible dos recursos e conservar a vida na terra.


Como podo participar?

Descobre máis cousas sobre as especies animais e vexetais ameazadas, as súas características e hábitats, as ameazas ás que se enfrontan e pescuda como podes contribuír á súa conservación.

Comparte o que aprendas, especialmente con nenas e nenos e a mocidade. Eles serán os futuros líderes na conservación da vida silvestre e merecen un futuro no que a humanidade comparta o planeta e viva en harmonía coas especies salvaxes. Aquí tes á túa disposición posters e outros materiais de divulgación en diversos idiomas para axudarche a difundir esta campaña.

Coñece as experiencias e os coñecementos dos pobos indíxenas e as comunidades locais cuxos medios de vida dependen dos bosques e a vida silvestre.

Utiliza as redes sociais para difundir a mensaxe usando a etiqueta # DíaDeLaVidaSilvestre.

Artigo traducido ao galego dende UN.org. Consulta aquí o orixinal.

Voltar o listado

Empregamos cookies propias e de terceiros para mellorar a experiencia do usuario a través da sua navegación. Se continúas a navegar aceptas o seu uso. Política de cookies

Continuar navegando