O que non se coñece non se ama e moito menos, se protexe. Non podemos esperar que @s nen@s saiban valorar a natureza se non as achegamos a ela. Despois dun ano tan complicado e nun momento no que estar ao aire libre é a mellor das opcións, o campo postúlase como o gran aliado das fins de semana para toda a familia.

É certo que xa en pleno outono fai fresco, pero aínda hai moitos días de sol por diante e cun bo abrigo e calzado apropiado non vai haber montaña que se resista a pequen@s ecólatras.

É importante mirar roteiros adaptados que sexan aptas para os máis pequenos. Existen webs e apps como  Wikiloc na que podemos filtrar por dificultade, lonxitude e a zona que nos interesa. Ademais, con esa mesma app no móbil podemos ver un mapa completo do roteiro con explicacións para non perdernos baixo ningún concepto.

Se non vos lanzades aos roteiros e ao sendeirismo, sempre podemos propoñer paseos por contornas naturais ou o máis naturais posibles, como parques ou zonas boscosas próximas.

O máis importante en calquera dos casos é dar exemplo e ter claro que eles non son máis que un espello do que nós fagamos. A contorna natural é o lugar adecuado para explicarlles mentres gardamos os residuos da comida, a importancia de non abandonalos, como respectar os ecosistemas e que na natureza ata a última pedra é a casiña dun insecto. A idea é irnos de alí coma se non houbésemos ido pero co corazón cheo de verde.

A natureza é o lugar ideal no que a infancia pode desenvolver gran cantidade das súas capacidades que lles serán útiles noutras moitas contornas como a sensibilidade, o coidado, a empatía… Ademais, é un espazo que anima á experimentación e aumenta a creatividade así como o interese e a curiosidade.

Para incrementar esa curiosidade in situ, podemos propoñer actividades para nen@s na natureza:

Tod@ naturalista que se prece ten un e nunca se é demasiado nov@ para amar a natureza e empezar a entendela. Esta actividade é estupenda porque serve para case case calquera idade, só temos que adaptala ás capacidades d@s peques.

Consiste en debuxar ou  calcar as texturas e formas que se aprecian na natureza. Poñendo unha folla de papel sobre a cortiza dunha árbore e relando cun lapis brando por encima, levarémonos a casa un recordo e unha mostra de cada árbore que nos atopamos. Unha boa oportunidade para axudarlle a fixarse en que existen diferentes tipos de árbores, rocas, chans, follas… calquera cousa que vos atopedes. Non esquezades poñer a data e o sitio para que o caderno sirva cada vez que vaiades ao campo e poidades comparar varias zonas diferentes e apreciar a súa diversidade.

Unha variante para os que sexan máis maiores (ou non tanto con algo de axuda) é realizar un herbario. Consiste en recoller follas que atopedes, secalas ao chegar a casa esmagadas nun libro e logo pegalas no caderno. Hai moitas  apps que axudan coa identificación de plantas, por exemplo con arbolapp do CSIC case seguro que identificades calquera especie do  arboreto ibérico.

Nos  herbarios clásicos científicos recóllese folla, flor e froito, pero é bastante máis complexo secar e pegar flores e froitos, anímaas a debuxalos para que leven o recordo de todos os xeitos.

Nesta entrada do blogue, xa vos contamos actividades para realizar na natureza e hai algunhas máis para nenos.

No blogue de ACNUR hai unha entrada moi interesante sobre básicos educacionais que podemos transmitir aos nosos fillos e fillas (e revisalos nós, que nunca está de máis).

Basicamente consiste en inculcar aos máis pequenos da casa non só a necesidade de facer as cousas correctamente pensando no medio ambiente senón de facelo divertido. Reciclar é unha obrigación, pero tamén pode ser entretido. Aforrar auga pode non ser só unha norma, senón unha maneira de coidar dos peixes e os ríos.

O lixo tirado polo chan non é molesta porque sexa unha teima, é daniña para os ecosistemas, os animais, as plantas e nós mesmos. Ademais, por exemplo, reciclando papel conseguimos que se tallen menos árbores.

Aprender a respectar aos animais é sanísimo para @s pequen@s, a mellor maneira é empezando adoptando unha, nunca comprando e explicándolle a responsabilidade de conleva facerse cargo dun ser vivo. Non estades preparados? Unha planta é unha boa opción para empezar.

A reciclaxe en todas as súas vertentes é clave, e nenas e nenos tamén poden experimentalo en primeira persoa, por exemplo, compartindo os seus xoguetes. Explícalle que cando se canse dun xoguete pode intercambialo cun amigo, así será como estrear xoguete pero sen ter que comprar un novo. Tamén podedes doar os xoguetes que xa se lle quedaron pequenos ou que non use, para familias con menos recursos. O  medio ambiente tamén son as persoas que habitamos o planeta.

Desde casa tamén se pode pensar no campo e o medio ambiente, é mellor se fomos previamente para ter claro de que estamos a falar, pero se non o temos a man ou o clima non nos é propicio, sempre teremos varios exemplos de actividades do medio ambiente para nenos. De reciclar vai a cousa.

Cunha simple botella de plástico ou un brick de zume podemos facer un coche se lle sumamos un par de paus e 4 tapóns ou cortizas. Aproveita para explicar que todo o tempo que estea a xogar con xoguetes reciclados estará a evitar que os residuos cheguen ao seu destino final, ademais é moi san que desde pequenos aprendamos que non todo o mundo ten acceso a tanto como nós e son solucións moi utilizadas para poder xogar en sitios nos que non hai xoguetes.

Con outro bote baleiro que sexa ancho, algo como unha botella grande ou un de galletas salgadas, poderedes atraer paxaros ás vosas xanelas e facelas máis vivas e alegres.

Con enchelo ata a metade de  alpiste e facer un buraco grande no que o paxaro poida entrar, será suficiente. Iso e unha boa dose de paciencia e de non estar ao redor do  comedero todo o tempo. Unha boa oportunidade para aprender que os animais necesitan o seu espazo e respecto.

Imaxe de Robert Collins