Os efectos da crise climática provocada pola actividade humana non só provocarán o afundimento de asentamentos humanos ao nivel do mar. Ademais dos incendios forestais, inundacións fluviais e outros fenómenos climáticos extremos, o quecemento global tamén está a ameazar aos ecosistemas situados na cima do mundo.

Un novo estudo dirixido pola Universidade de Maine calcula que só nos últimos 25 anos, o Glaciar do Colado Sur, o máis alto do Monte Everest, perdeu máis de 54 metros de grosor debido ao cambio climático.

En xuño de 2019, un estudo realizado a partir de fotografías satelitales xa adiantaba que o Himalaya perdera ata un cuarto do seu xeo glacial nos últimos 40 anos; con todo, a nova investigación revela que o fenómeno acelerou drasticamente desde finais da década dos 90, unha tendencia que de continuar, provocará a perda total da neve que cubría o xeo e funcionaba como un illante natural.

A partir da análise dos datos de estacións meteorolóxicas, o núcleo de xeo e fotografías satelitais, o estudo confirmou que o cambio climático provocado pola actividade humana é o responsable da perda acelerada de xeo do glaciar Colado Sur. 

Situado a 7,906 metros sobre o nivel do mar, o Glaciar do Colado Sur é o máis alto do Everest e ten un rol preponderante na rexión, tendo en conta que máis de mil millóns de persoas dependen dos glaciares do  Himalaya para recibir auga potable e de rega. 

«AS PREDICIÓNS CLIMÁTICAS PARA O  HIMALAYA SUXIREN UN QUECEMENTO PROGRESIVO E UNHA PERDA CONTINUA DE MASA GLACIAR, E MESMO A CIMA DO EVEREST VESE AFECTADA POLO QUECEMENTO DE FONTES ANTROPOXÉNICAS», EXPLICA MARIUSZ POTOCKI,  GLACIOQUÍMICO E COAUTOR DO ESTUDO.

Con cada vez menos superficies cubertas de neve, os ecosistemas de glaciares de alta montaña están a desaparecer debido á sublimación do xeo. «O glaciar máis alto serviu como sentinela para observar este delicado equilibrio e demostra que mesmo o teito da Terra vese afectado polo quecemento global de orixe humana», explican os autores no estudo.